Sýretti túsirgen: Valerıı Býgaev
1938 jyldan oblystyq «Qyzyl tý» degen atpen shyǵady.
1963-1965 jyldary «Qyzyl tý» gazetiniń jabylyp (tyń ıgerýshi soltústik 5 oblysqa ortaq «Tyń ólkesi» gazeti jaryq kóredi.
Sodan, elimiz táýelsizdigin alǵan eleń-alań shaqta 1991 jyldyń 26 qyrkúıeginen «Saryarqa samaly» ataýyn aldy.
Gazetke ár jyldary Ǵalym Maldybaev, Baltabek Asanov, Álimbek Janǵabylov, Áýbákir Aıapbergenov, Sary Myńbaev, Hamza Syzdyqov, Ázilhan Nurshaıyqov, Omarǵalı Qudyshev, Subyhan Shoshanov, Baltabaı Seısenbekov, Álqoja Muhamedjanov sııaqty qazir ómirden ótken aǵalar basshylyq jasady.
Sonymen birge Qalıjan, Qaıyrjan Bekqojınder, Zeıin Shashkın, Ázilhan Nurshaıyqov, Muzafar Álimbaev, Qalmuqan Isabaev, Nutfolla Shákenov, Tóleýjan Smaıylov, Amanjol Shamkenov, Qabdykárim Ydyrysov, Múbárak Jamanbalınov, Ramazan Toqtarov, Meıram Asylǵazın, Násıpolla Esimov, Janat Turǵanbekov sııaqty aqyn-jazýshylar qyzmet jasady.
Kelesi býyndy marqumdar Aıtjan Bádelhanuly, Qajymurat Smaǵul, Muqamedjan Dáýrenbekov, kózi tiri Tóleýbek Qońyr, Baqyt Baımuratov, О́skenbaı Tastemhanov, Sholpan Baıǵaly, Tursynbaı Ibadýllın, Ǵalymbek Jumatovtar jalǵastyrdy.
Osy joldardyń avtory men de osy gazette 1985 jyly KaZGÝ-diń jýrnalıstıka fakýltetin bitirip, joldamamen kelip, 1999 jylǵa deıin qyzmet ettim.
Aǵalar bizge gazet bizdiń ómirimiz ekenin, gazette ómir súrýdiń ne ekenin úıretti.
Urpaq jalǵastyǵy-úzilmeıdi. Kóz kórgen aǵalarǵa–taǵzym.
Oblys ortalyǵynda mereıtoı aıasynda burynǵy «Qyzyl tý» qazirgi «Saryarqa samaly» gazetinde qyzmet etken maıdanger-jýrnalısterge arnalǵan 5 memorıaldyq taqta ornatyldy.
Buǵan deıin, soǵysynyń ardagerleri, gazet jýrnalısteri – Jylqaıdar Qarpyqovqa, Kármuqan Bekbergenovke, Ábdish Baımýrzınge, Baqı Ábdiqadyrovtyń turǵan úılerine memorıaldy taqtalar ornatylǵan.
Mereıtoı aıasynda oblystyq gazettiń «Qyzyl tý» atalǵan kezinde 1962-1981 jyldary redaktory bolǵan Subyhan Shoshanovtyń turǵan úıine eskertkish belgi ornady.
Gazettiń alǵashqy redaktory Beısenbaı Kenjebaev atamyzǵa da oblys ortalyǵynan bir kóshe ataýyn bergenimiz de durys bolar edi.
Qazir zaman ózgerisine saı, oblystyq kitaphana gazet tigindileriniń elektrondy nusqalaryn jasaýda. «Oblystaǵy baspasózdiń elektrondy arhıvi» dep atalatyn jobada A1 formatyndaǵy kásibı skaneri paıdalanylýda.
Bul kúnderi «Saryarqa samalynyń» 1943 jyldan bergi shyǵarylymdarynyń jalpy sany 1750 nómiri elektrondy túrge kóshirilipti.
Oblys ortalyǵyndaǵy Estaı atyndaǵy mádenıet saraıynda 90 jyldyq mereıtoılyq saltanatty keshke ardager jýrnalıster, zııaly qaýym ókilderi, oqyrmandary qatysty.
Oblys ákimi Bolat Baqaýov quttyqtaý sózin arnady.
Sońynan gazet ujymynda ár jyldary eńbek etken, gazettiń damýyna úles qosqan jýrnalıster men qyzmetkerlerge arnalǵan as berildi.
Farıda BYQAI,
«Egemen Qazaqstan»
PAVLODAR
